ವಿಭಾಗಗಳು
ಕವನಗಳು

ಆತ್ಮ ಚಿರಾಯು

ಆತ್ಮ ಚಿರಾಯು
ಅದಕಿಲ್ಲ ಸಾವು ನೋವಿನ ಅಂಟು
ಆತ್ಮ ಅಪರಂಜಿ
ಲವಲೇಶ ಕಲುಷಿತವಲ್ಲದ ಚಿನ್ನ

ಕಬ್ಬಿಣಕ್ಕೆ ತಗುಲುವುದು ತುಕ್ಕು
ದೇಹಕೆ ಬರುವುದು ಸುಕ್ಕು
ಜಡ ವಸ್ತುಗಳೂ ಕುಗ್ಗುವುದು
ಹಿಗ್ಗು ಕುಗ್ಗು ಅಗೋಚರವಿದು

ಪಂಚಭೂತಗಳಿಗಿಲ್ಲ ರೂಪ
ಆದರೂ ತೋರಿಸುವುದು ಪ್ರತಾಪ
ಗಿಂಡಿ ಹೇಗಿದ್ದರೇನಂತೆ
ಉಳಿಯುವುದು ಆಕಾರದಂತೆ

ಪಂಚಭೂತಗಳಲ್ಲೂ ಆತ್ಮ
ತಿಳಿ ಅದರಲಿರುವುದೇ ಪರಮಾತ್ಮ
ಈ ಜೀವಾತ್ಮಕೆ ಹೊರತಾದುದೆಲ್ಲವೂ ಪರಮಾತ್ಮ
ಅದನು ಅರಿಯುವವನೇ ಮಹಾತ್ಮ