ವಿಭಾಗಗಳು
ಕವನಗಳು

ತೃಣಮಾತ್ರನ ಕನಸು

ಎಲ್ಲ ಕರೆವರೆನ್ನ ತೃಣಮಾತ್ರ
ನೋಡುತಿಹೆನು ಯಾವಾಗಲೂ ಕನಸು ಮಾತ್ರ
ಕಂಡೆ ಕನಸಲಿ ಎಂಥ ದಿವ್ಯ ದರ್ಶನ
ಎಂದೂ ಮಂಕಾಗಿರದ ಕನ್ನಡ ಮಾತೇನ
 
ವಿಶ್ವದೆಲ್ಲೆಡೆ ಕನ್ನಡವೇ ಮನೆ ಮಾತು
ಜಾತಿ ಧರ್ಮ ಕುಲವೂ ಕನ್ನಡವಾಗಿತ್ತು
ಚಿನ್ನ ಬೆಳ್ಳಿ ವಜ್ರ ವೈಢೂರ್ಯಗಳ ಬೀದಿ ವ್ಯಾಪಾರ
ಎಂದೆಂದೂ ಎಲ್ಲೆಡೆ ಹಬ್ಬದ ಸಡಗರ
 
ನಿಸರ್ಗದತ್ತ ಸೌಂದರ್ಯ ನೋಡಿದೆಲ್ಲೆಲ್ಲೂ
ಹಸಿವು ನೀರಡಿಕೆಗಳ ಸುಳಿವೇ ಇಲ್ಲ ಇಲ್ಲೆಲ್ಲೂ
ಬಡವ ಬಲ್ಲಿದ ಭೇದವೇ ತಿಳಿಯದ ಕಾಲ
ಆಡಳಿತಗಾರರ ಅವಶ್ಯಕತೆಯೇ ಬೇಕಿಲ್ಲ
 
ಎಲ್ಲ ಮನೆಗಳ ಕುಲದೇವಿ ಕನ್ನಡಮ್ಮ
ಎಲ್ಲ ಮನಗಳ ಚಿಂತನೆಯೇ ನನ್ನಮ್ಮ
ಬೇಕಿಲ್ಲ ಯಾರಿಗೂ ಪಾರಿಭಾಷಿಕ ಕೋಶ
ಹಳದಿ ಕೆಂಪು ಬಾವುಟ ಭೂಮಿ ಆಕಾಶ
 
ಹೊರಗಾದ ಗಲಾಟೆಗೆ ಬೆಚ್ಚಿ ಬಿದ್ದೆದ್ದೆ
ಪರರ ಹಿಂಸಾಚಾರ ನೋಡಿ ಕುದಿದ್ದಿದ್ದೆ
ಇಂತಹ ಕನಸು ನನಸಾಗಲು ಪಣ ತೊಡುತಿರುವೆ
ನನ್ನೊಡನೆ ಕೈ ಸೇರಿಸಿರೆಂದು ನಿಮ್ಮನು ಬೇಡುತಿರುವೆ