ಒಬ್ಬರಿಗೊಬ್ಬರು ಚಾಚುವವರು ಹಸ್ತ ಸ್ನೇಹಕೆ
ಅನುಭವ ವೇದ್ಯವಿದು ಇ-ನೆಂಟಸ್ಥಿಕೆ
ಮೊದ ಮೊದಲು ದೊಡ್ಡಸ್ತಿಕೆಯ ತೋರಿಕೆ
ಹಿಂದೆಯೇ ಕರಗಿ ಹರಿಯುವುದು ಹೃದಯವಂತಿಕೆ
ಕೇಳಿ ತಿಳಿಯದ ನೋಡಿ ಅರಿಯದ
ಯಾರದೋ ವಿಷಯಕೆ ಮೂಗು ತೂರಿಸಿ
ಮನ ಮುದುಡಿ ಮೂಲೆ ಸೇರಿದವರೂ ಉಂಟು
ಜೀವನದ ಅರಿವನು ಮೂಡಿಸುವವರೂ ಇಲ್ಲುಂಟು
ಸುಲಭದಿ ಖರ್ಚಿಲ್ಲದ ಲಿಂಗ ಬದಲಾವಣೆ
ಹೆಸರ ನೋಡಿ ಮನದಲಿ ಏನೇನೋ ಕಲ್ಪನೆ
ನೈಜವರಿಯಲು ಮನದಲಿ ಬೇಗೆ, ನಾಲಗೆಯಲಿ ಬೈಗುಳ
ಏನೂ ಮಾಡಲಾಗದಾಗ ಸುರಿವುದು ಕಣ್ಣಿನಲಿ ಬಳಬಳ
ಇಲ್ಲಿದೆ ಸಂಗಾತಿಗಳನು ಸೃಷ್ಟಿಸುವ ಶಕ್ತತೆ
ಒಮ್ಮೊಮ್ಮೆ ಮನೆಯೊಡೆಯುವ ವಾತಾವರಣದ ಪ್ರಖರತೆ
ಬಹುತೇಕರಿಗೆ ಕಾಲಹರಣಕ್ಕೆ ಮೀಸಲು ಜಾಲ
ಪಡ್ಡೆಗಳೇ ಇಲ್ಲಿಯ ಅಸಲು ಬಂಡವಾಳ
ಜಾಲದಲ್ಲಿ ಹುಟ್ಟುವವರು ಅಗಣಿತ
ತನ್ನತನ ಅರಿವಾಗಲು ಮುಂದೆ ಅಪ್ರಕಟಿತ
ಬುದ್ಧಿವಾದದ ಮಾತುಗಳು ಕೆಲವರದು
ಸೋಟೆ ತಿರುಗಿಸುವ ಸರದಿ ಹಲವರದು
ಮರುಗುವರು ಇನ್ನೊಬ್ಬರ ದು:ಖಕೆ
ಆಗುವರು ಕಷ್ಟ ಸುಖಗಳಲಿ ಪಾಲು
ಜಾಲದಲಿ ಸಿಲುಕುವವರೆವಿಗೆ ಅಪರಿಚಿತ
ಕ್ಷಣ ಕ್ಷಣಗಳ ಸ್ಪಂದನದಿ ಚಿರಪರಿಚಿತ
ಕಂಡರಿಯ ಅನುಸಂಧಾನ ಮಾಡುವವರು
ಪಾತಾಳದಾಳದ ವಿಷಯಗಳ ಬೆನ್ನಟ್ಟುವವರು
ನೆಲೆ ಕಂಡ ಕೂಡಲೇ ಮಾಯವಾಗುವವರು
ಎಲ್ಲವನ್ನೂ ತೋರಿಸುವ ಕಾಣದೀ ಇ-ಪ್ರಪಂಚ
ಎದುರಾಗಲು ಮುಖ ಪರಿಚಯ
ಜಾಲದಲ್ಲಿ ಎದುರಾಗಲ ಮನಗಳ ಪರಿಚಯ
ಯಾವುದರಿಂದ ಒಬ್ಬರಿಗೊಬ್ಬರು
ಪರಿಚಿತರಾಗಿ ಹತ್ತಿರವಾಗುವರು?
5 replies on “ನೆಟ್ ನೆಂಟಸ್ತಿಕೆ”
Bahala samayochitavaagide sir… Idu satyave satya…
ಮುದುಡಿದ ಹೃದಯಗಳನು
ಅರಳಿಸುವುದಲ್ಲಾ ಈ ನೆಟ್ಟು
ಕತ್ತಲಲಿ ತಡಕಾಡಿದಾಗ
ದೊರೆಯುವ ದೀಪದಂತಿಹುದು ನಂಟು
ಶ್ರೀನಿವಾಸರೇ, ಅದ್ಭುತವಾಗಿದೆ ನಿಮ್ಮ ನೆಟ್ ಕವನ
Super Kavana!!!!!! Kashta pattu odhidhidhe 🙂 Chennagi Varnisidhira….
Hi
We would like to inform you that now Online Indian language Type pad is available. Visit http://service.monusoft.com/KannadaTypePad.htm . You can open this web page on your site and users can easily write Indian language for putting comments on your site. Moreover Indian language plug-in for WordPress is also available.
ತವಿಶ್ರೀ,
ಸಂಬಂಧಗಳೆಂಬ ಪದ ಇಂಟರ್ನೆಟ್ ಬಂದ ಮೂಲಕ ಹೇಗೆ ಬದಲಾಗಿಬಿಟ್ಟಿದೆ ಅಲ್ವಾ..
ಯಾವತ್ತು ನೋಡದೆ ಇರೋ ನಾನು ನಿಮ್ಮ ಮಿತ್ರನಾಗಿದ್ದು ಇದೇ ನೆಟ್ನಿಂದ..
ಸಾವಿರಾರು ಮೈಲಿ ದೂರದಲ್ಲಿರುವ ಪ್ರೀತಿಪಾತ್ರರೊಂದಿಗೆ ಕೊಂಡಿ ಈ ನೆಟ್..
ಸೊಗಸಾದ ಕವನ