ವಿಭಾಗಗಳು
ಕವನಗಳು

ನೆನಪಿನಾಳದಿಂದ ಅಮ್ಮ

ಅಮ್ಮ ಒಬ್ಬಳೇ ಎಲ್ಲರಿಗೂ – ಹಾಗೇ ನನಗೂ

ಅವಳ ನೆನೆಯಲು ಸುಖ ಮಿಶ್ರಿತ ದು:ಖ

ಅವಳು ಹತ್ತಿರ ಸುಳಿಯೇ ಮನಕಾನಂದ

ಜಗದಲಿ ನನಗವಳೇ ಸ್ಫುರದ್ರೂಪಿ

                    amma1.jpg

 

ಅಂದದ ದುಂಡು ಮುಖಕೆ ಅಂಟಿನ ಕುಂಕುಮ

ಕೆನ್ನೆಗೆ ಸುವಾಸಿತ ಅರಿಶಿನದ ಲೇಪನ

ಕೊರಳೆಂದೂ ಕಾಣಲಿಲ್ಲ ಒಂದಪರಂಜಿ ಚಿನ್ನ

ಎಂದಿಗೂ ಬಿಟ್ಟುಕೊಡಲಿಲ್ಲ ತನ್ನತನವನ್ನ

 

ಓಂನಾಮ ಕಲಿಸಿದವಳೇ ನೀನಲ್ಲವೇನಮ್ಮ

ಕೃಶಕಾಯನಿಗೆ ಹೆಚ್ಚಿನ ಆರೈಕೆ ನೀಡಿದೆಯಮ್ಮ

ಕೈತುತ್ತ ನೀಡಿ ಅಮೃತ ಉಣಿಸಿದವಳು

ನನ್ನ ಪುಂಡಾಟಿಕೆಯ ಸಹಿಸಿದವಳು

 

ಪೂಜೆಗೆ ಪಾರಿಜಾತ ಹೆಕ್ಕಿ ತರಿಸಿದವಳು

ಅದರಲಿ ಹಾರ ಮಾಡಲು ಕಲಿಸಿದವಳು

ಎಂದೂ ಕೈ ಚಾಚದಂತಹ ಪಾಠ ಕಲಿಸಿದವಳು

ಇತರರ ನೋವು ನನ್ನದೆಂದು ತೋರಿಸಿದವಳು

 

ಜೀವನದ ಮರ್ಮ ಅರುಹಿದ ಮಹಾತಾಯಿ

ಪೂಜೆ ಪುನಸ್ಕಾರದ ಪರಿ ಕಲಿಸಿದವಳು

ಇಲ್ಲದಿದ್ದರೂ ಕೊಡುಗೈ ಆಗಿಸಿದವಳು

ನಾನೆಂತು ತೀರಿಸಬಲ್ಲೆ ಆ ನಿನ್ನ ಮಾತೃ ಋಣ

 

ಅಪ್ಪನ ನೊಗಕೆ ಸಾಟಿಯಾಗಿ ಹೆಗಲು ಕೊಟ್ಟವಳು

ಎಂದಿಗೂ ಮಕ್ಕಳಿಂದ ನಿರೀಕ್ಷಿಸದವಳು

ಕಡುಬಡತನದಲೂ ಬಿಡಲಿಲ್ಲ ಸ್ವಾಭಿಮಾನ

ಲೋಕದಿಂದ ನಮಗೆ ತಂದಿತ್ತ ದೊಡ್ಡ ಬಹುಮಾನ

 

ನೀನಂದು ನನ್ನ ಬಿಟ್ಟು ಹೋದೆಯಲ್ಲ

ನೀ ಹೀಗೆ ಮೋಸಿಸುವೆಯೆಂದು ನಾ ತಿಳಿದಿರಲಿಲ್ಲ

ಒಂದು ಕ್ಷಣದ ನನ್ನ ಅಚಾತುರ್ಯ

ನೀ ತೀರಿಸಿದೆ ಇಹಲೋಕದ ಕಾರ್ಯ

 

ಮತ್ತೆ ಹೇಗೆ ನಾ ಸರಿಪಡಿಸಲಿ ನನ್ನ ತಪ್ಪು

ನಾ ನೀಡಲಾರೆನೆ ನಿನಗೊಂದು ಹಿಡಿ ಉಪ್ಪು

ಎಲ್ಲರ ಮನಗಳಲಿ ನಿನ್ನ ಕಾಣುತಿಹೆ

ಎಲ್ಲರಲಿ ನಿನ ಕಂಡು ಋಣ ತೀರಿಸುವೆ

 

 

ಶ್ರೀಗುರುದೇವದತ್ತಾಯ ನಮ:

‍ತಳುಕು ಶ್ರೀನಿವಾಸ ಮೂಲಕ

ನಾನೊಬ್ಬ ಸಾಹಿತ್ಯಾಭಿಲಾಷಿ

4 replies on “ನೆನಪಿನಾಳದಿಂದ ಅಮ್ಮ”

>ಜಗದಲಿ ನನಗವಳೇ ಸ್ಫುರದ್ರೂಪಿ
ಎಂತಹ ಸತ್ಯದ ಮಾತು..ಅಮ್ಮ ಯಾವಾಗಲೂ ಹಾಗೇ

>ಒಂದು ಕ್ಷಣದ ನನ್ನ ಅಚಾತುರ್ಯ
ನೀ ತೀರಿಸಿದೆ ಇಹಲೋಕದ ಕಾರ್ಯ

ನಿಮಿಗಿಂತ ಕಿರಿಯ ನಾನು, ಆದರೂ ಎನೋ ತಿಳಿದದ್ದು ಹೇಳುತ್ತೇನೆ
ಪ್ರೀತಿಪಾತ್ರಳಾದ ಅಮ್ಮನನ್ನು ಕಳೆದುಕೊಂಡ ದುಃಖದಲ್ಲಿ ನಿಮ್ಮನ್ನು ನೀವು ಅಪರಾಧಿಪಾತ್ರದಲ್ಲಿ ನಿಲ್ಲಿಸಿಕೊಂಡಹಾಗಿದೆ.ನಿಮಗೆ ಜಗದ ವಿಧಿ ನಿಯಮ ಗೊತ್ತಲ್ಲವೇ? ನಾವೆಲ್ಲ ನಿಮಿತ್ತ ಮಾತ್ರ

ಆದರೆ ಅಮ್ಮ ಮರಳಿ ನಿಮ್ಮ ಮಗಳ ರೂಪದಲ್ಲಿ ಬಂದಿಲ್ಲವೇ?

srinivas,
kavithe hridaya sparshiyagide. rk narayan ondhu novelalli bareethare: “Mother is a precious commodity. yo know its worth only when it is gone” antha. thande-thayiyannu chikka vayassinalle kaledu konde. avara aashirvada, daivanugrahadinda thakkamattigiddene. ee kavithe odhi kannalli neerukki banthu.
devaru olithu maadali
vandanegalu
rk

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s